Satelite’s Blog

माइसंसार डट कममा निकै राम्रा कविताहरु लेख्ने ‘लुना’ जि ले इमेलसम्पर्कमा लेख्नुभएको एउटा कवितालाइ नयाँ बर्ष बिशेषको रुपमा यहाँ राखिएको छ । बर्ष 2009 को आगमनमा म पनि यहाँहरु सबैलाइ शुभकामना ब्यक्त गर्न चाहन्छु । यो बर्ष नेपालि केटाकेटिहरु बिद्यालयसम्म पुग्ने बातावरणमा ब्यापकता आओस । बिद्यालयहरु बन्द नहुन । बिदैबिदाको नेपालमा बिदाहरु कटौति होउन र पढाइले निरन्तरता पाउन सकोस ।

बर्ष 2009 तपाँइको सुखद रहोस भन्ने कामनाका साथ लुनाजि को कविता पढ्न भित्र आउनुहोस… । (more…)

सियो समेत निर्माण नहुने देशका रुपमा चिनाइएको देश नेपालका केहि उत्साहि युवा इन्जिनियरहरुको समुहले केहिहप्ता अगाडि पोखरामा ‘डाँफे’ बिमानको सफल उडान परिक्ष्यण गर्यो । मिडियामा केहि हल्ला भयो । पाउनुपर्नेजति चर्चा पटक्कै पाएन । हाम्रा ति उत्साहि युवा मनहरुलाइ जति स्याबासि र सहयोगको खाँचो थियो, त्यसको निम्ति पहल हुन सकेन । मन्त्रिहरुले बोले, कान्तिपुरले एउटा समाचार छापिदियो र बिस्तारै सेलायो, कुनै दिन ति युवा मनहरु बिदेशियको नमिठो समाचार आउनेछ र पछि उनैलाइ ‘पलायनवादि’को संज्ञा दिइनेछ । एउटा कुरामा अचम्म लाग्छ, किन हाम्रो समाज, क्षेत्र र सिङ्गो देश नै नकारात्मक समाचारहरुमै मग्न छ ? किन कान्तिपुरहरुलाइ राम्रो समाचार पस्किन पटक्कै मन लाग्दैन ? किन पाठकहरुलाइ ध्वंस र अराजकताको समाचारलेमात्र सन्तोष महशुस गराउँछ ? अहिले सायदै सम्झना होला कसैलाइ हाम्रा नेपालि युवा बैज्ञानिक राम-लक्ष्मणको ! हामिले महाबिर पुनलाइ बिर्सियका छौँ । उनि म्याग्दिका दुर्गम डाँडाहरुमा ‘Wireless Internet’ को सञ्जाल फैलाउन ब्यस्त छन । उनि अमेरिकाको शिक्ष्या र बैभवशालि जिवनलाइ ल्यागेर आफ्नै गाँउहरु र अल्छि नेपालिहरुको जिवनलाइ सुधार्न लागिपरेका छन । हामिले, बिश्वले मानेका आँखा बिशेषज्ञ डा. सनत रुइतलाइ बिर्सियका छौँ । मैले केहिबर्ष अगाडि कर्ण शाक्यको पुस्तक ‘सोँच’ पढेपछि त्रिपुरेश्वरस्थित तिलगंगा आँखा अस्पताल पुगेर डा. रुइतलाइ भेटेको थियँ । (more…)

संभवत नेपालकै सबैभन्दा चर्चित र नेपालि भाषाको पहिलो ब्लग माइसंसार डट कम चलाउने मित्र उमेश श्रेष्ठका बुवाको असामयिक निधन भएकोमा शोकमा डुबेको परिवारप्रति हार्दिक संवेदना ब्यक्त गर्दछु । मरेर जानु शाश्वत सत्य भएपनि भोग्नेलाइ यो गारो हुन्छ । समय शुन्यतामा बदलिन्छ अनि दिनहरु निरश बन्छन । सम्बन्धका खुट्किलाहरु स्मृतिमा सल्बलाउन थाल्छन । ति बितेका दिन अनि संघर्षका क्षणहरु ।
आमा बुवा सबैका निम्ति सबैभन्दा नजिकका इश्वरहरु हुन । उनिहरुलाइ गुमाउनुपर्दाको दुख शब्दमा ब्यक्त गर्ने सामर्थ्य छैन ममा ।

ति आशिर्वाद र स्नेहका निम्ति हामि स्वर्गिय बुवाप्रति सधैभरि ऋणि नै रहनेछौँ ।

आँशुको यो मौसममा मेरो समवेदना ।

-स्याटेलाइट

मैले ब्रिटिश सेनामा नेपालिलाइ भेटेको भए अचम्म मान्नेथिइन तर अमेरिकन सेनामा नेपालिलाइ अकस्मात भेट्दा अचम्म मानेँ । कुवेतसँग नजिक रहेको अमेरिकन बेशमा धेरैदिनपहिला दार्जिलिङकि नेपालि केटिलाइ भेटेको थियँ । उनि अमेरिकन सेनामा सेकेण्ड लेफ्टिनेन्ट रहिछिन । मभन्दा राम्रो नेपालि बोल्ने । त्यसको केहि दिनपछि तिक्रितमा सेनाहरुको मेसमा खाना खाइरहेको थियँ भर्जिनियाँ बिचको क्लिफोर्ड जोर्डनसँग बसेर । मेरो बिपरितपट्टिको कुर्सिमा मपट्टि फर्किएर बसेको अमेरिकन सेनाको पछिल्लो नाममा ध्यानकेन्द्रित भयो । (more…)

-SateLite

नेपालको राजनिति क्रमश: अतिवादतर्फ अगाडि बढ्दै गएको छ । नेपालि राजनितिका प्रमुख तिन खेलाडिहरुमध्ये काँग्रेश र मावोवादिहरु अतिवादका प्रवर्तक बनेका छन भने एमालेको ढुलमुले निति कायमै छ ।

एमाले कहिलेकाहिँ कांग्रेस र मावोवादिबिचको द्वन्दलाइ चर्काएर फाइदा लिने मनस्थितिमा देखिन्छ तर एमालेसँग केहि गर्नलाइ आँट छैन । उसको ढुलमुलेपन आजको होइन । नेपालि राजनितिलाइ नियालेर हेर्ने हो भने एमालेको स्थान शहरमा चिनिएकि बेश्यासरह छ । मन लाग्दा ब्याभिचारि पुरुषहरु जान्छन र शरिरसँग खेल्छन केहि आशा र पैसाको जालो फालेर तर ति बेश्याको महत्व ति ब्यभाचारिहरुलाइ पटक्कै हुँदैन किनभने एउटि नभेटिए अर्कि । हो, अहिलेको एमाले, कांग्रेशको लागि त्यो बेश्या जो बिगतमा जतिबेला सत्ताको तर आफुसँग थियो त्यतिबेला एमाले आफुसँग थिइ तर अहिलेकि एमाले प्रचण्डकि बेश्या भएकि छिन । कतिबेर प्रचण्डले प्रयोग गरेर छाडिदिनेहुन अनि एमाले जाने भनेको उहि पुर्वग्राहक काँग्रेशसम्म नै हो नत्र पर्दामा मधेसि जनताको अधिकारको नाममा निकै कुटिल मनशाय बोकेका ह्रिदेश त्रिपाठि देखि महन्त ठाकुरसम्मपनि छन जो केवल धम्किको भाषा बोलेर आफ्नो पद आजिवन जोगाइराख्न चाहन्छन । अर्का उपेन्द्र यादवको गुट छ जसमा कार्यकर्ताभन्दा नेता धेरै छन र कहाँबाट सञ्चालित छन भन्नेकुरा स्वयं यादवलाइपनि थाहा नहोला किनकि प्रत्येक नेताका फरक फरक धारणा आँउछन एउटै बिषयमा पनि ।
मावोवादिको १३ बर्षे क्रान्तिकारि इतिहासको साख अहिले सत्तामा पुगेपछि बिस्तारै ओरालो लाग्दै छ । छाडा कार्यकर्ता र वाइसिएलको समुह नेतृत्वकालागि घाँडो बनिरहेका छन । अशिक्षितहरुको यो जमातले खेलाडि,ब्यापारि र बिध्यार्थिलाइ अपहरण गर्ने अनि कायरतापुर्ण हत्या गर्नेकाम जारि नै राखेका छन । मावोवादिको सरकारले केहि सकारात्मक कामहरु गर्ला भन्ने आशा राखेका जनताहरुलाइ बिना गृहकार्य गरिएका फिल्मि शैलिका सडकपसल बन्द,क्यासिनो र बारमा समयसिमा आदिजस्ता राम्रा प्रयाश तर निकै हलुकापाराले कार्यान्वयनमा ल्याइएका नियमहरुको उपहारमा चित्त बुझाउनुपरिरहेको अवस्था छ । (more…)

-SateLite

जगदिश घिमिरेलाई लागेको Multiple Myeloma Cancer को कुनै उपचार छैन। छ त केवल चिकित्सकले दिएको २-४ वर्षको बाँकी जिन्दगी जिएर मृत्यु पर्खिने उपाय मात्र ! तीस वर्षभन्दा बढी दैनिक योग गर्ने गरेको र आहारविहारमा ध्यान पुर्‍याउने तपाईँलाई कस्तो लाग्ला अचानक Multiple Myeloma Cancer ले गाँजेको थाहा पाँउदा ? जबकि तपाईँ अमेरिका हिँड्दा स्वस्थ,हट्टाकट्टा देखिनुहुन्थ्यो र तपाइसँग त्यस्तो कुनै खासै बिरामी परेको इतिहास पनि थिएन जीवनमा ! कस्तो लाग्ला ! अवश्य पनि म जस्तो एउटा सामान्य मान्छेको निम्ति यो निकै असैह्य हुन्छ ! म रुन,कराउन अनि उफ्रन थाल्छु ! सायद धेरै यसै गर्लान्, केही ज्ञानीहरु छोडेर ! हो, त्यही हो जगदिश घिमिरेको स्थिति ! (more…)

मैले यदि भारतीय दूतावासको गेटबाट गिरिजाप्रसाद, प्रचण्ड या झलनाथ अथवा केपी ओलीहरु निस्किरहेको देखेको भए खासै उत्सुक हुने थिइनँ। तर जनतालाई सुसूचित गर्ने गरेको दावी गर्ने र पत्रकारितामार्फत् देश विकासमा योगदान दिएको बयान गरेर नथाक्ने हाम्रा पत्रकारहरु अनि त्यसमा पनि फोटो शिरोमणि ऋषि धमलालाई हातमा A4 साइजको बन्द खामसहित दूतावासको गेटबाट बाहिरिएको देख्दा मलाई अति नमिठो लाग्यो !

म भारतीय दूतावासनजिकै रहेको ट्राभल्स एजेन्सीमा भैरहवा जाने विमानको टिकट खोज्दै पुगेको थिएँ र बाइक पार्क गर्न भ्याएको मात्र थिएँ। मलाई आफ्नै देशको भूमि भए पनि साह्रै घृणा लाग्ने ठाउँ भारतीय दूतावास क्षेत्रतिर यसो आँखा के लगाएको थिएँ, देखेँ-गेटबाट एकजना भारतीयसँग निकै प्रसन्न मुद्रामा ऋषि धमला अनि हातमा सानोतिनो बन्द खाम ! नेताहरु भएका भए यी त सबै बिकिसकेका छ्न् भनेर म चुप लाग्थेँ होला मनभरी विद्रोह बोकेर। तर ऋषि धमलालाई देखिसकेपछि मैले आफूलाई रोक्न सकिनँ। उनी ट्य़ाक्सी चढ्ने तर्खरमा थिए। म कुददै गएर रोकेँ उनलाई “ऋषि जी तपाईँ पनि भारतीय दूतावासभित्रबाट ??” (more…)